ՀՍՀ/ՀԱՎԱՆԱԿԱՆԱԿԱՆ ԱՎՏՈՄԱՏ

ՀԱՎԱՆԱԿԱՆԱԿԱՆ ԱՎՏՈՄԱՏ, մաթեմատիկական համակարգ, որը որոշվում է $A=a_1,...,a_n$, $B=b_1,...,b_m$ վերջավոր բազմություններով և $P=p(a_i,b_j,a_k)$ հավանականությունների բաշխումով, որտեղ

$\sum _{k=1}^{n}p(a_i,b_j,a_k)=1$ ։

A-ի տարրերը կոչվում են ներքին վիճակներ, իսկ B-ինը՝ մուտքի ազդանշաններ։ Հ․ ա․ գործում է ժամանակի ընդհատակնթարթներին հետևյալ եղանակով․ ժամանակի դիտարկվող յուրաքանչյուր ակնթարթին, գտնվելով որևէ a_i ներքին վիճակում և ստանալով որևէ b_j մուտքային ազդանշան, համակարգը p(a_i, b_j, a_k) հավանականությամբ անցնում է a_k վիճակին (1≤k≤n)։ Հ․ ա․ դիսկրետ ավտոմատի ընդհանրացումն է։ Հ. ա. օգտագործվում է ուսուցման պրոցեսի ֆորմալ մոդելներում և բարդ վարքի մոդելներում, որտեղ ավտոմատի ռեակցիան միանշանակ չէ: