ՀՍՀ/ԿԻՆԵՏԻԿ ԷՆԵՐԳԻԱ

ԿԻՆԵՏԻԿ ԷՆԵՐԳԻԱ, մեխանիկական էներգիայի տեսակ: Նյութական կետի Կ. է. որոշվում է $W_k=\frac{m{v}^2}{2}$ բանաձևով (m-ը կետի զանգվածն է, v-ն՝ արագությունը): Նյութական կետերի համակարգի Կ. է. հավասար է բոլոր կետերի Կ. է-ների թվաբանական գումարին: Անշարժ առանցքի շուրջը պտտվող պինդ մարմնի Կ. է. հավասար է $\frac{I{\omega }^2}{2}$ (I-ն մարմնի իներցիայի մոմենտն է պտտման առանցքի նկատմամբ, ω-ն՝ անկյունային արագությունը): Լույսի արագության (c) հետ համեմատելի արագությունների դեպքում $W_k=(m-m_0)c^2=m_0{c}^2[\frac{1}{\sqrt{1-v^2/c^2}}-1]$, որտեղ m₀-ն կետի հանգստի զանգվածն է: