ՀՍՀ/ԴԻԷԼԵԿՏՐԻԿ ԸՆԿԱԼՈՒՆԱԿՈՒԹՅՈՒՆ

ԴԻԷԼԵԿՏՐԻԿ ԸՆԿԱԼՈՒՆԱԿՈՒԹՅՈՒՆ, դիէլեկտրիկների բևեռանալու ունակությունը բնութագրող մեծություն: $\overrightarrow{P}=\kappa \overrightarrow{E}$ առնչության մեջ ($\overrightarrow{E}$-ն էլեկտրական դաշտի լարվածությունն է, $\overrightarrow{P}$-ն՝ դիէլեկտրիկի բևեռացումը), համեմատականության $\kappa$ գործակիցը Դ. ը. է: Ինչպես դիէլեկտրիկ թափանցելիությունը ($\epsilon$), այնպես էլ Դ. ը. բնութագրում են նյութի դիէլեկտրիկ հատկությունները: $\kappa$-ն $\epsilon$-ի հետ կապված է $\kappa =\frac{\epsilon -1}{4\pi }$ առնչությամբ: