ՀՍՀ/ԴԻԱՍՊՈՐ ՄԻՆԵՐԱԼ

ԴԻԱՍՊՈՐ (<հուն. διασπορά — ցրում), միներալ, քիմիական կազմը՝ $AlOOH$: Պարունակում է 85% $A{l}_2{O}_3$ և 15% $H_{2}O$։ Դ-ի հետ հանդիպում են երկաթի, քրոմի, մանգանի օքսիդների խառնուրդներ: Բյուրեղագիտական համակարգը ռոմբային է: Առաջացնում է թերթիկավոր, հազվադեպ սյունաձև բյուրեղներ: Դ. 500-ից բարձր պայմաններում անցնում է կորունդի ($\alpha$-$A{l}_2{O}_3$): Գույնը՝ սպիտակ, դեղնավուն, բաց-վարդագույն, կանաչավուն-մոխրագույն: Կարծրությունը՝ 6—7, խտությունը՝ 3300—3500 կգ/մ³: Տարածված է բոքսիտների տարբեր տիպերի հանքավայրերում՝ որպես հանքանյութ կազմող միներալ: Կուտակումները հայտնի են ՍՍՀՄ-ում (Ուրալ, Ուզբեկստան), Հունաստանում, ԱՄՆ-ում և այլ երկրներում: