ՀՍՀ/ԴԵԲԱՅԻ ՋԵՐՄԱՍՏԻՃԱՆ

ԴԵԲԱՅԻ ՋԵՐՄԱՍՏԻՃԱՆ, նյութի ֆիզիկական հաստատուն, որը բնութագրում է պինդ մարմինների ջերմունակությունը, էլեկտրահաղորդականությունը, ջերմահաղորդականությունը ևն: Կոչվում է ի պատիվ Պ. Դեբայի: Դ. ջ. որոշվում է ${\mathrm{\Theta }}_{\text{դ}}$ բանաձևից, ուր k-ն Բոլցմանի, հ-ը Պլանկի հաստատուններն են, v_դ-ն պինդ մարմնի ատոմների տատանման առավելագույն հաճախականությունն է: Դ. ջ. ցույց է տալիս այն մոտավոր ջերմաստիճանային սահմանը, որից ցածր գործում են քվանտային էֆեկտները: $T\gg {\mathrm{\Theta }}_{\text{դ}}$ ջերմաստիճաններում նույն տիպի ատոմներից կազմված բյուրեղների ջերմունակությունը (С) հաստատուն ծավալի դեպքում ըստ Դյուլոնգի և Պտիի օրենքի հավասար է 6 կալ (աստ. մոլ)^-1։ Երբ $T\ll {\mathrm{\Theta }}_{\text{դ}}$, ջերմունակությունը համեմատական է $[T/{\mathrm{\Theta }}_{\text{դ}}{]}^3$-ին (Դեբայի $T^3$ օրենք):