ՀՍՀ/ԳՐԱԴԻԵՆՏ

ԳՐԱԴԻԵՆՏ (լատ. gradientis — քայլող), $R^n$ տարածության ($n\ge 2$) որևէ տիրույթում որոշված $U(x_1,x_2,...,x_n)$ ֆունկցիայի (սկալյար դաշտի) ամենաարագ փոփոխության (աճի) ուղղությունը ցույց տվող վեկտոր, որը նշանակվում է gradU:

Եթե $U(x_1,x_2,...,x_n)$-ը դիֆերենցելի ֆունկցիա է, ապա gradU վեկտորի բաղադրիչներն են $\frac{\partial U}{\partial x_1},\frac{\partial U}{\partial x_2},...,\frac{\partial U}{\partial x_n}$, և Գ-ի ուղղությունը տիրույթի յուրաքանչյուր կետում համընկնում է այդ կետով անցնող $U(x_1,x_2,...,x_n)=C$ մակարդակային մակերևույթի նորմալի (արտաքին) ուղղության հետ, իսկ Գ-ի երկարությունը հավասար է $\sqrt{{\left(\frac{\partial U}{\partial x_1}\right)}^2+{\left(\frac{\partial U}{\partial x_2}\right)}^2+...+{\left(\frac{\partial U}{\partial x_n}\right)}^2}$:

Տես նաև Դաշտի տեսություն: