ՀՍՀ/ԳՆԴԱՅԻՆ ՍԵԿՏՈՐ

ԳՆԴԱՅԻՆ ՍԵԿՏՈՐ, երկրաչափական մարմին, որն առաջանում է սեկտորն իր շառավիղներից մեկի կամ սեկտորի աղեղը չհատող առանցքի շուրջը պտտելուց: Գ. ս-ի ծավալը և լրիվ մակերևույթը համապատասխանաբար որոշվում են $V=\frac{2}{3}\pi R^{2}h,$ $S_1=\pi R(2h+a)$, $S_2=\pi R(2h+a+b)$ բանաձներով, որտեղ R-ը սեկտորի շառավիղն է, h-ը՝ սեկտորի աղեղը ձգող լարի պրոյեկցիան պտտման առանցքի վրա, a-ն և b-ն՝ լարի ծայրակետերի հեռավորությունները պտտման առանցքից: