ՀՍՀ/ԿԱՆԻՑԱՐՈՅԻ ՌԵԱԿՑԻԱ

ԿԱՆԻՑԱՐՈՅԻ ՌԵԱԿՑԻԱ, ալդեհիդի փոխարկումը հավասարամոլյար քանակությամբ սպիրտի և թթվի՝ ալկալու ջրային կամ ջրասպիրտային լուծույթի ազդեցությամբ, օրինակ, $2C_6{H}_{5}CHO+KOH\to C_6{H}_{5}COOK+C_6{H}_{5}C{H}_{2}OH$: Կ. ո. օքսիդավերականգնման պրոցես է, բնորոշ է արոմատիկ և հետերոցիկլիկ, ինչպես նաև ալիֆատիկ այնպիսի ալդե-հիդներին, որոնք ալդեհիդի խմբին միացած ածխածնի մոտ ջրածնի ատոմներ չունեն: Կ. ռ. կարող է ընթանալ նաե երկու ոչ միանման ալդեհիդների միջև (խաչաձե Կ. ռ.): Օրինակ, բենզալդեհիդի և մրջնալդեհիդի խառնուրդից առաջանում են բենզիլսպիրտ և մրջնաթթու: Նման տարբերակը օգտագործում են քիչ մատչելի ալդեհիդները համապատասխան սպիրտների վերականգնելու համար: Ռեակցիան հայտնաբերել է Ս. Կանիցաոոս, 1853-ին: