ՀՍՀ/ԿԱՊԻ ԷՆԵՐԳԻԱ

ԿԱՊԻ ԷՆԵՐԳԻԱ, մասնիկների համախմբի կապված վիճակի և այդ մասնիկների ագատ վիճակի (մասնիկներն անջատված են և անսահման հեռացված միմյանցից) էներգիաների տարբերությունը: Մոլեկուլ կազմող ատոմների դեպքում այն կոչվում է քիմ. կապի էներգիա, իսկ նուկլոնների դեպքում՝ միջուկի Կ. է.: Վերջինս որոշվում է`

$\mathrm{\Delta }W=[m_{p}Z+m_n(A-Z)-M]c^2$

առնչությամբ, որտեղ $m_p$-ն, $m_n$-ը և M-ը պրոտոնի, նեյտրոնի և միջուկի հանգստի զանգվածներն են, A-ն միջուկի զանգվածի թիվն է, Z-ը՝ պրոտոնների թիվը, c-ն՝ լույսի արագությունը վակուումում: Կ. է. այն էներգիան է, որն անհրաժեշտ է համակարգը բաղկացուցիչ մասերի տրոհելու համար: Այն բացասական մեծություն է, և որքան մեծ է նրա բացարձակ արժեքը, այնքան մասնիկների կապն ամուր է: Մեկ նուկլոնին բաժին ընկնող Կ. է. կոչվում է միջուկի տեսակարար Կ. է. և որոշվում է  

$E=\frac{\mathrm{\Delta }W}{A}$

առնչությամբ:

Դ. Դանագուլյան