ՀՍՀ/ԳՐԱՎԻՏԱՑԻՈՆ ՀԱՍՏԱՏՈՒՆ

ԳՐԱՎԻՏԱՑԻՈՆ ՀԱՍՏԱՏՈՒՆ, համեմատականության G գործակիցը տիեզերական ձգողության օրենքն արտահայտող $F=G\frac{mM}{r^2}$ բանաձևում (m-ը և M-ը մարմինների զանգվածներն են, r-ը՝ նրանց հեռավորությունը, իսկ F-ը՝ ձգողության ուժը)։ Գ. հ. նշանակվում է նաև γ, f, երբեմն՝ k²: Միավորների CGS համակարգում՝ G=(6,673±0,003)·10^-8 դն·սմ²·գ^-2 կամ սմ³·գ^-1·վրկ^-2: Միավորների միջազգային համակարգում՝ G=(6,673±0,003)·10^-11 ն·մ²·կգ^-2 կամ մ³·կգ^-1·վրկ^-2: Գ. հ-ի առավել ճշգրիտ արժեքն ստացվել է ոլորակշեռքով երկու հայտնի զանգվածների փոխազդեցության ուժի լաբորատոր չափումներից: Երկրի նկատմամբ երկնային մարմինների (օրինակ, արհեստական արբանյակների) ուղեծրերը հաշվարկելու համար կիրառվում է Կաղապար:Լայն Գ. հ., այսինքն՝ Երկրի (մթնոլորտի հետ միասին) զանգվածի և Գ. հ-ի արտադրյալը՝ GE=(3,98603 ± 0,00003)·10¹⁴մ³·վրկ^-2: Արեգակի նկատմամբ երկնային մարմինների ուղեծրերը հաշվարկելիս օգտագործվում է Կաղապար:Լայն Գ. հ., այսինքն՝ Արեգակի զանգվածի և Գ. հ-ի արտադրյալը՝ GS=1,32718·10²⁰ մ³·վրկ^-2: